Այսօրվա աչքալուսանքի կապակցությամբ ես էլ զանգահարեցի ԱԳՆ: Ստորև խոսակցությունն է.
” Բարև Ձեզ, իմ անունը Վահագն Մխոյան է, ես ցանկանում եմ ճշտել, թե որտեղից կարող եմ տեղեկանալ Թուրքիայի հետ ստորագրված փաստաթղթի բովանդակության մասին:
” Մեր կայքում statement կա:
” Կայքում փաստաթղթի բովանդակությունը կա՞:
” Ոչ, բովանդակությունն առայժմ չի հրապարակվում :
” Իսկ ինչու՞ չի հրապարակվում և ե՞րբ է հրապարակվելու:
” Մի րոպե սպասեք, ես Ձեզ մամուլի խոսնակի հետ միացնեմ:
” Լավ:
” Ալո, ներեցեք, մամուլի խոսնակը հիմա զբաղված է, մի քիչ հետո զանգահարեք:
___________________________________________________________________________________
UPD:
Նորից զանգահարեցի ԱԳՆ, այս անգամ հաջողվեց Բալայանի հետ խոսել, քանի որ իր ներքին համարն էլ էի հավաքել /214/ : Խոսակցությունը բառացի չեմ մեջ բերում, բայց ընդհանուր միտքը հետևյալն էր.
” Բարև Ձեզ, սա պարոն Բալայա՞նն է:
” Այո:
” Իմ անունը Վահագն Մխոյան է, ասացեք, ո՞րտեղից կարող եմ ծանոթանալ ստորագրվածԹուրքիայի հետ ստորագրված փասթաթղթի բովանդակությանը:
” Ոչ մի տեղից:
” Ինչու՞:
” Որովհետև բանակցություններ են ընթանում և դա կոնֆիդենցիալ ինֆորմացիա է:
” Իսկ ե՞րբ կհրապարակվի:
” Երբ ժամանակը գա մենք հանրությանը տեղյակ կպահենք մանրամասներին:
” Շատ լավ, իսկ Արցախի հարցով ի՞նչ զիջումներ են ենթադրվում այդ փաստաթղթում:
” Արցախի մասին այդ փաստաթղթում ոչինչ չկա:
” Բայց այդ դեպքում ինչպես հասկանալ թուրքերի այն հայտարարությունները, որ մինչև Արցախի…
” (ընդհատելով) ու՞մ հայտարարությունները:
” Թուրքական պաշտոնյաների:
” Իրենց վերջին պաշտոնական հայտարարությունը մեր համատեղ հայտարարությունն է, որին եթե ծանոթ եք, ապա գիտեք, որ Արցախի մասին ոչինչ չկա:
” Բայց բառացիորեն մի քանի օր առաջ Թուրքիայի …
” (ընդհատելով ) վերջին հայտարարությունը եղել է բառացիորեն 12 ժամ առաջ: Դուք կարող եք նաև ծանոթանալ ԱՄՆ-ի պետդեպարտամենտի հայտարարությանը, որտեղ նրանք ողջունում են մեր առանց նախապայմանների (C) հարաբերություններ հաստատելու այս քայլը (բա, ոնց էսա սկսեմ ուրախությունից վեր-վեր թռնել -Կորեոլան) :
” Այսինքն ոչ Արցախի հարցը, որ Ցեղասպանության խնդիրը փաստաթղթում քննարկված չե՞ն:
” Այո, խոսքը առանց նախապայմանների (C) հարաբերությունների մասին է:
(Սրանից հետո պարզ դարձավ, որ այս մարդուց բացի առանց նախապայմանների (C) արտահայտության, ուրիշ էլ ոչինչ չեմ լսի):
