Նախորդ անգամ գովազդում էի sergey_larenkov-ի ու u-96-ի բլոգերը։
Հիմա շարունակեմ այդ գործը.
humus ‒ կարելի է ասել անտիկվար լուսանկարների արխիվ ԿՄ-ում։ 19-րդ դարի լուսանկարներով սկսած, ֆոտոսեսիաներով վերջացրած։ Պիտի որ հետաքրքրի լուսանկարչությունը և/կամ պատմությունը սիրողներին, ինչպես նաև նրանց, ովքեր դեմ չէին լինի օրվա մեջ մի քանի րոպե գործերից կտրվել ու ինչ-որ գեղեցիկ ֆոտոշարք նայել։ Ի դեպ, պատահում են նաև Հայաստանին վերաբերող շարքեր։
Հաջորդ գովազդվողը բլոգն էլ է «լուսանկարչային». fotografersha ‒ այս բլոգն արդեն այն մարդկանց ճաշակով կլինի, ովքեր հետաքրքրվում են լուսանկարչությամբ և ավիացիայով։ Ոչ ավիացիոն լուսանկարներ հազվադեպ են։ Մատյանի թերությունը ‒ մի քիչ գովազդային ուղղվածություն ունենալն է, բայց կատաստրոֆա չի։
Երրորդ գովազդվող բլոգն էլ է լուսանկարչային։ Սա էն գլխից բիզնես‒պրոյեկտ է, բայց գովազդային նյութեր տեղադրելիս հեղինակը բարեխղճորեն ու կարմիրով զգուշացնում է, որ տվյալ գրառումը պատվիրված է։ Իսկ այնպես. նկարները լավն են sergeydolya։
Մոռանանք լուսանկարները։ legatus-minor առաջին հերթին կհետաքրքրի ռազմական թեմայով հետաքրքրվողներին, հատկապես, եթե ցանկություն կա ադեկվատ մեկնաբանություններ ու կարծիքներ լսել։ Արդեն ընթացքում կբացահայտեք, որ հետաքրքիր են նաև ոչ ռազմական ու նույնիսկ անլուրջ և ցանցառոտ գրառումները 🙂
Իսլամով հետաքրքրվողներին էլ առաջարկում եմ նորահայատ հայալեզու բլոգ armislam։ Ցավոք, հետաքրքիր հայալեզու բլոգներ ԿՄ‒ում էս վերջերս հազվադեպ են հայտնվում։ Թերությունը ‒երկար տեքստերը cut‒ի տակ չդնելը, ինչի համար Մեծ Դատաստանի օրը Աստված հեղինակին դաժանորեն կպատժի 🙂
