Կարծես թե մեր ԱԳՆ-ն կենդանության ինչ-որ նշաններ է ցույց տալիս:

-Նախ ցանկանում եմ խորին ցավակցություններս հայտնել Մանվել Սարիբեկյանի հարազատներին: Երիտասարդ հովվի առևանգումը, բռնության միջոցով ստիպելը հեռուստատեսությամբ ակնհայտ անհեթեթություններ ասել, և վերջիվերջո սպանելը զարհուրելի է թե՛ իր էությամբ, թե՛ ցինիզմի այն աստիճանով, ինչպես դա մատուցվեց հանրությանը: Սա հայտնի ահաբեկիչներին բնորոշ գործելաոճ է՝ սկզբից պատանդին նվաստացնել տեսախցիկի առջև, ապա սպանել: Քնած մարդկանց կացնահարողներին, գերիներին սպանողներին, մշակութային ժառանգությունը շարունակաբար ոչնչացնողներին հրահրողները և հերոսացնողները ՄԱԿ-ի ամբիոններից խոսում են հումանիտար իրավունքից, միգուցե, իրենց համար այդ բառն ա՞յլ իմաստ ունի: Իհարկե, հասկանալի է, որ նման միջնադարյան մեթոդներով հարցեր չես կարող լուծել և հայտնի է, որ բռնությունը թուլության նշան է:

Պիտակներ. հայ-ադրբեջանական հակամարտություն, Հայաստան, Մանվել Սարիբեկյան

Ժողովուրդ ջան, ես հասկանում եմ, որ դուք սպասում էիք կոշտ պատասխան ՊՆ-ից, ծառերից կախված ադրբեջանցիների մի քանի տասնյակ դիակներ որպես պատիժ և այլն, բայց ախր հիմա խնդիրը ոչ կոշտ պատասխանելն է, ոչ էլ ադրբեջանցիներին պատժելը, այլ այդ տղայի մարմինը իր հարազատներին հասցնելը: Կյանքը փրկել չկարողացանք, գոնե մարմինը կարողանանք բերել, որ հարազատները կարողանան վերջին հրաժեշտ տալ: Ու նոր դրանից հետո կարելի է մտածել ադրբեջանցիներին պատժելու մասին:

Պիտակներ. Հայաստան, հայկական բանակ, Մանվել Սարիբեկյան