Իրանում ադրբեջանցիների քանակը վերջապես հասավ 40 միլիոնի, այո, այո, բարեկամներ, 40 միլիոն։ Վերջին 5 միլիոնի ավելացմանը ես գրեթե 2 տարի սպասեցի։
«էշություններ» պիտակով գրառումները
Էտը սվեռշիլըս, տավառիսչի
Oct 17
Թերթ.ամ կոչվողը դեգեներատությունը չեմ կարդում, բայց նոր ՕԱ-ում մի նորություն նկատեցի այդ ռեսուրսից: Թերթ.ամ-ը սկզբում մեզ տեղեկացնում է, որ “Ղարաբաղի դեմ պատերազմական գործողություններ սկսելու Ալիևի ծրագիրը կանխել է Անկարա՞ն”: Հետո արդեն, բուն հոդվածում, մեզ պատմում են, որ թուրքական հատուկ ծառայությունները (MIT) միայն վերջին պահին են կանխել Ալիևին, քանի որ դա կտապալեր Հայաստանի հետ հարաբերություններ հաստատելու Թուրքիայի նախաձեռնությունը: Հղում է արվում թուրքական ԶԼՄ-ներին, որոնք էլ իրենց հերթին հղվել են ադրբեջանական ԶԼՄ-ների վրա:
Հիմա հասկացաք հայե՞ր: Էտ սաղ Անկարայի շնորհիվա, որ էսօր խաղաղության մեջ եք ապրում: Վա՜յ էտ ի՜նչ լավ եղավ է՜, որ էտ Գյուլը եկավ Հայաստան, օրհնյալ լինի էդ սհաթը, հա՛: Թե չէ հիմա պատերազմ էր լինելու:
Գրական ձիրք չունեմ, բայց փորձեմ ֆանտազիայիս զոռ տալով պատկերել այդ տեսարանը, թե ինչպես վերջին պահին կանխվեց պատերազմը, Հայաստանի մասին օր ու գիշեր մտածող MIT-ի կողմից:
Ուրեմն Իլհամ Ալիևի աշխատասենյակն է: Աշխատասենյակում բացի Իլհամից ներկա են նաև ՊՆ Սաֆար Աբիևը, մի շարք այլ ադրբեջանցի գեներալներ, ուժային մյուս կառույցների ներկայացուցիչներ, անվտանգության խորհրդի անդամներ և այլն: Հետևում են մնացել պատերազմ սկսելու վերաբերյալ քաղաքական որոշումը և այդ որոշմանը հաջորդած ամիսներ տևած նախապատրաստական աշխատանքները. զորքերը մարտական վիճակի բերել, տեխնիկան վերանորոգել, անհրաժեշտ ուղղություններով կենդանի ուժ, զենք և զինամթերք կուտակել, բուն ռազմական գործողության ծրագրի կազմումը, այդ ծրագրի բաղկացուցիչները զորավարժություններում մշակելը և այլն, և այլն, և այլն: Հետևում են մնացել բազմաթիվ անքուն գիշերներ: Բայց դա դեռ միայն սկիզբն է ու այս հերթական անքուն գիշերը վերջինը չի լինելու: Համենայն դեպս այդպես էին մտածում հավաքվածները: Բոլորի հայացքները ուղղված են Հեյդար Ալիևի պատկերով պատի մեծ ժամացույցի սլաքներին, որոնք անխուսափելիորեն մոտեցնում են X ժամը: Եվս մի քանի վայրկյան և ամբողջ աշխարհը կիմանա, որ X=3:00: Իլհամ Ալիևի ձեռքը դրված է հատուկ հեռախոսի խոսափողին, որով նա պիտի տրվի պատերազմը սկսելու հրամանը տա ԳՇ պետ Նաջմեդին Սադիխովին, իսկ վերջինս էլ այդ հրամանը փոխանցի Բաքվից 250 կմ հեռավորության վրա անքուն սպասող գեներալներին, գնդապետերին, փոխգնդապետերին, իսկ վեջիններս էլ իրենց դարձյալ անքուն ենթականերին: Իլհամ Ալիևի աշխատասենյակի ընդունարանում անհամբերությամբ սպասում են քարտուղարուհիները, որ սկսեն նախապես պատրաստված հայտարարություններն ու հրահանգները ԶԼՄ-ներին ուղարկել: Ժամացույցը խփեց ժամը 3-ը: Բոլորը հայացնքերը ժամացույցից տեղափոխեցին հեռախոսի վրա: Ալիևը վերցնում է հեռախոսը ու զանգահարում Սադիհովին: Մյուս ծայրում Սադիխովը վերցնում է հեռախոսը ու … հանկարծ ընդունարանից աղմուկ է լսվում: Բոլորը նայում են դռան կողմը, իսկ Սադիհովը հեռախոսով “ալո, ալո” ” է ասում` չհասկանալով, թե ինչ է կատարվում: Աշխատասենյակ են խցկվում Ադրբեջանում Թուրքիայի դեսպանը ու ևս երկու հոգի: Քարտուղարուհիները ինչ-որ բան են ճղճղում, թե չկարողացան արգելել, նախագահական նստավայրի անվտանգության պատասխանատուն փորձում է իրեն արդարացնել, թե ինչու անկոչ հյուրերին թողեց շենքից ներս, բայց նրանց ոչ ոք չի լսում: Թուրքական դեսպանի հետ եկած մարդկանցից մեկը Ալիևին է մեկնում MIT-ի աշխատակցի իր վկայականը ու ավելացնում.
” Դուք չպիտի հիմա պատերազմ սկսեք, որովհետև դրանով կտապալեք Հայաստանի հետ հարաբերությունները կարգավորելու մեր նախաձեռնությունը ու կխաթարեք մեր հեղինակությունը:
” Հա՞: Է բա շուտ ասեիք ա՛յ մարդ, սպասել, սպասել, վերջին օրով եք ասում: Բա որ արդեն սկսած լինեի՞նք: Ախր չի կարելի տենց,- վրդովված ասում է Ալիևը, ապա դառնալով թուրք դեսպանին,- գոնե դու ասեիր:
” Դե հիմա տենց ստացվեց, մեր MIT աշխատակիցը կես ժամ առաջ է իջել օդանավից, մենք էլ բան չգիտեինք,- արդարանում է դեսպանը:
” Դե լավ, ինչ արած, ալո, Սադիխովը, բոլորին ասա թող գնան քնեն, ո՞նց թե քնեն, խռմփացնելով քնեն,- ասում Ալիևը Սադիխովին ու ցած դնում հեռախոսը:- Դուք էլ գնացեք քնեք, հոգնած կլինեք,- ավելացնում է նա` դիմելով ներկաներին:
Ահա այդպես չսկսվեց Արցախյան նոր պատերազմը:
Տեսնես “Հատուկ ռեպորտաժ” ծրագրի ստեղծողները մարմնի ո՞ր մասով են մտածում, որ սենց էշություններ են եթեր թողնում. մոգեր, գուշակներ, ատրճանակի գնդակը կասեցրած մարդու մագնիսական դաշտ ու ես շատ գիտեմ էլ ինչ ցնդաբանություն: Ու դա Հ1-ն է:
Гранд Ереван ” проект одобрен. Начало стройки в 2011
After its completion in 2014, 200 m tall “Grand Yerevan” will be the highest building in Armenia.
Արդեն շալակված և շալակվելիք այլ կատուների կարող եք տեսնել այստեղ: Հատկապես ուշագրավ է տերմիտանոցի նմանվող այս կատուն:
UPD от urartur:
Конкретно “Grand Yerevan” и видимо ряд других проектах подстава. Впрочем, тема от этого не перестает быть актуальным.
Հերթական տխմարություն
Nov 5
“Շանթ”-ով լուրեր էի նայում: Դե հիմա ես էլ եմ մարդ, մեկ-մեկ սխալվում, նայում եմ, ո՞ւմ հետ չի պատահում, մանավանդ, որ անոնսում ասել էին, որ ցույց են տալու ռեպորտաժ խոզագրիպի հետ պայքարի առաջին գծից` Բագրատաշենի անցակետից ” իսկ ինձ էլ հետաքրքիր էր, թե յարաբ էտ ո՞նց են պայքարում: Ճիշտ է, ռեպորտաժից պարզ դարձավ, որ իրականում խոզագրիպի նկատմամբ “դիրքապահների” վերաբերմունքը բնորոշվում է “всем пох**” ռուսական արտահայտությամբ, բայց դե դա կարևոր չի: Այս, որ գրել եմ “հերթական տխմարություն”, դա ի նկատի չունեի, որովհետև խոզագրիպի նկատմամբ իմ վերաբերմունքը շատ չի տարբերվում “դիրքապահների” վերաբերմունքից:
Ուրեմն նայում եմ, մեկ էլ սկսեցին խոսել էս ավագ դպրոց-մպրոցից ու … ու ինչնա հետաքրքիր, ավագ դպրոցի անցնելը անցանք, բայց դու մի ասա՜ դասագրքեր այդ ավագ դպրոցի համար ∄, այսինքն` գոյություն չունեն: Բա տեսնես էս ո՞նց ստացվե՜ց: Կարողա՞ դասագրքերի ∃-յան անհրաժեշտ պայման է դրանց նախօրոք տպելը: Թո՛ւ հա՜, ո՞նց էինք է մոռացել: Լա՛վ, թող դասատուները ով ոնց կարողանումա, էս տարի յոլա գնա. լեկցիա-մեկցիա կարդա, 10-րդ դասարանի գրքերի վրայով 2-րդ անգամ անցնի, մինչև մի ճար անենք, բա հո՞ կակոյ-նիբուձ դասագրքերի համար սաղ ռեֆորմը կիսատ չի մնալու: Ռեֆորմ նաշը ֆսյո, ռեֆորմ, ռեֆորմ մինչև վերջ:
ԱՅՍՏԵՂ ԿԱՐՈՂ Է ԼԻՆԵԼ ՁԵՐ ՔՖՈՒՐԸ
Հ.Գ.
Հա, հետո, մի հատ էլ մաթեմատիկայի ուսուցչի հետ խոսեցին, սկսեց մի քիչ պատմել, թե ընդհանրապես ինչ դասագրքեր կան այսօր դպրոցում, թե ոնց են աքսիոմներն ու թեորեմները խառնած, բարդակ սարքած. հետաքրքիր կլիներ նայել այդ դասագրքերը:
Հ.Հ.Գ
ՄԵԿՆԱԲԱՆՈՒԹՅՈՒՆՆԵՐՈՒՄ ԵՎՍ ԿԱՐՈՂ Է ԼԻՆԵԼ ՁԵՐ ՔՖՈՒՐԸ
Տեսնես ի՞նչ է մտածում հայը, երբ ռուսական կայքում փրփուրը բերանին ապացուցում է, որ Լևոն Արոնյանը հրեա է:
Այսօր պատահաբար մտա “Հայ Արիների Միության” կայքն ու առաջին բանը, որ աչքս ընկավ “Կործանված Ատլանտիդայի եկվորները” հոդվածն էր: Եթե հավես ունեք, ապա կարող եք ծանոթանալ հայրենական արտադրության բարձրորակ այդ մառազմի հետ այստեղ. hayary.org/index.php?option=com_content&task=view&id=916&Itemid=56 , իսկ ես մի քանի մեջբերում անեմ.
“Տիեզերքից արված նկարահանումները վկայում են, որ Հյուսիսային բեւեռում, հսկայական սառցադաշտերի հատակում պատկերված են լեռներ, անտառներ եւն:”
“Այդպիսի մի ջրա-ցամաքային փոփոխության ժամանակ էլ կործանվեց Ատլանտիդայի քաղաքակրթությունը՝ գոյացնելով Ատլանտյան օվկիանոսը:”
“Այդ քաղաքակրթության /Ատլանտիդայի մասին է խոսքը ” Կորեոլան/փրկվածները երկրի արեւմտյան կիսագնդից տեղափոխվել են արեւելյան կիսագունդ: Նրանք հաստատվել են Հայկական բարձրավանդակում (որի հետ կապը եղել է մինչկործանումը)…”
“«Սասնա Ծռեր» էպոսը բազմաշերտ, ծածկագիր գաղտնագիտությամբ գրված պատում է … /ինչքան հասկացա Ատլանտիդայի հայության մասին ” Կորեոլան/” :
“- Երբ դրսում եղբայրները խաղում էին ճժերուն հետ, թաղի ճժեր թափվան էնոնց վերան, ասին. «Դուք բիճ եք»: Բիճ նշանակում է հայր չունեցող: Հայրը նաեւ Հայրենիքն է, որ տղեկները չունեին: Նրանց Հայրենիքը կործանվել էր:”
“Առաջ շինեցին ուղեղի աղքատությամբ տառապող արաբական տունը (Եգիպտոսը), այդ խեղ(ճ) մարդատեսակի, խեղ մարդերի, որոնք «Արեւի առջեւ չէին դիմանա»: Այստեղ խոսքը վերաբերվում է ոչ միայն Արեւագիտությանը, որին նրանք չէին տիրապետում (արեւի էներգիայի օգտագործում, Արեւապաշտություն եւն), այլեւ՝ իրապես չէին դիմանում արեւի ճառագայթների ազդեցությանը՝ քանզի հրածին չէին (որից էլ առաջացել է նրանց Լուսնապաշտությունը)…”
“Կրակը Տիեզերքի Արեւի երկրային արտացոլանք-խորհուրդն է (Արեւագիտության կիրառումը Երկրում), եւ Պրոմեթեւսը այդ խորհուրդը պահեց 35.000 տարի: Այս գողունը հույն ազգին այնքան զարգացրեց, որ նրանք իրենց հռչակեցին աստվածներ ու կիսաստվածներ…”
