«Արցախ» պիտակով գրառումները
Դրական
Nov 10
Գյուղը կրկին հիմնել է Տիգրան Կյուրեղյանը։ Գյուղում ապրում է 25 ընտանիք։ Այստեղ ծրագրերից մեկով՝ անասնապահություն կամ մեղվաբուծություն (սրանք այն երկու ծրագրերն են, որ արդեն քանի տարվա հաջողություն ունեն Բերձորի գյուղերում) սկսելու դեպքում 25 ընտանիք կսկսի մշտական զբաղվածություն, եկամուտ ու սնունդ ունենալ։
Եվ ընդամենը 4 մլն դրամի հաշիվ է։
Ասե՞մ ինչի եմ հատկապես էսօր գրում ու հատկապես էսքան ոգևորված։ Մի քանի ամիս առաջ Կարինե Հարությունյանի համար ամբողջ Հայաստանը ու հայությունը գումար էր հավաքում։ Նաև ԿՄ-ն։ ԿՄ նրա մասին հայտարարությունը մտել էր մի քանի իրարից անկախ մարդկանց միջոցով։
Էսօր Կարինեն առողջ է, ու վերադարձել է Հայաստան։
Մեր մեջ օլիգարխներ չկան։ Մարդկանց աղոթքների ու տրամադրած միջոցների շնորհիվ մարդ է բուժվել։ Գիտեմ, էն երեխան էլ, Գոշան, բուժվելու է ու առողջ վերադառնա հետ՝ Հայաստան։
Ու գիտեմ, եթե ուզենք, մեր երկիրը ծաղկելու է։
«Մենք» գյուղացիական փոխօգնության միություն» հասարակական կազմակերպություն
Արդշինինվեստբանկ, «Քաշաթաղ» մասնաճյուղ
Դրամային հաշվի համար 247380008463
2009թ. հուլիսի 10-ին Ակվիլայում ԵԱՀԿ Մինսկի Խմբի համանախագահող երկրների ղեկավարների՝ Արցախյան խնդրի կարգավորման վերաբերյալ արված հայտարարության մեջ վերջապես բացահայտվեց այսպես կոչված Մադրիդյան հիմնարար սկզբունքների էությունը։
Մենք գտնում ենք, որ այդ սկզբունքները կործանարար են Հայաստանի Հանրապետության, Արցախի և հայ ժողովրդի համար։ Լեռնային Ղարաբաղի Հանրապետության մաս կազմող, ԼՂՀ ու ՀՀ անվտանգության միակ իրական, այլ ոչ թղթե երաշխիք հանդիսացող տարածքի հանձնումը, այսպես կոչված ադրբեջանցի փախստականների վերադարձն Արցախ, ինչպես նաև հայկական զինված ուժերից զատ Արցախի տարածքում որևէ այլ զինված ուժի տեղակայումը խորապես հակասում են հայ ժողովրդի շահերին, խարխլում են երկրի պաշտպանական համակարգը և վտանգում Հայոց պետականության ապագան։
Մենք խստորեն դատապարտում ենք՝
” Հայաստանի Հանրապետության իշխանությունների կողմից Մադրիդյան սկզբունքները գաղտնի պահելու փաստը
” հայ պաշտոնյաների կողմից մեր ազգային շահերին հակասող սկզբունքների շուրջ բանակցություններին շարունակական մասնակցությունը
” Հայաստանի Հանրապետության արտաքին գործերի նախարար Էդվարդ Նալբանդյանի հուլիսի 11-ին արված հայտարարությունը, որով վերջինս ողջունում է ՄԽ
համանախագահող երկրների ղեկավարների վերոհիշյալ բացահայտ հակահայկական հայտարարությունը
Պահանջում ենք ՀՀ Նախագահ Սերժ Սարգսյանից՝
” անհապաղ պաշտոնանկ անել ՀՀ արտաքին գործերի նախարար Էդվարդ Նալբանդյանին
” դադարեցնել մասնակցությունը ՀՀ և Արցախի համար կործանարար հետևանքներով հղի բանակցություններին
” զերծ մնալ ակնհայտորեն հակահայկական փաստաթղթերը ստորագրելուց
” այսուհետ գործել միմիայն հանուն Հայոց պետականության շահերի և հայ ժողովրդին բնորոշ արիությամբ
= = = = =
Այս հայտարարության կապակցությամբ, վաղը՝ հուլիսի 14-ին, ժամը 11:00 «Արմատ» մամուլի ակումբում տեղի կունենա մամուլի ասուլիս։
Ասուլիսին մասնակցելու են
Վարուժան Գեղամյան, թուրքագետ, Բերձորի բնակիչ
Արսեն Կարապետյան, ճարտարապետ
Արթուր Ավթանդիլյան, քաղաքագետ
Հայկ Բալանյան
«Արմատ» ակումբը գտնվում է Մամուլի շենքում (Արշակունյաց 2), 3-րդ հարկ
Հ1-ով համերգ են ցուց տալիս: Ինչքան հասկացա “Հայ Ասպետ” հեռուստախաղի մրցանակաբաշխությունն է կամ դրա նման մի բան: Համերգը “Հրազդան” մարզադաշտում է, իսկ դաշտի կենտրոնում հարմարեցված բեմի ետևում փուչիկներով Հայաստանի քարտեզն է սարքած … ճիշտ քարտեզը:
Կարսի պայմանագրի մասին
Apr 24
gagasik-ի մոտ թուրքական ԶԼՄ-ների տեղեկություններն են ստորագրված փաստաթղթի բովանդակության վերաբերյալ: Մեր մեջ ասած տեղեկություններից դեզայի շատ ուժեղ հոտ է փչում, բայց դա մի կողմ: Եթե ենթադրենք, որ այդ տեղեկությունները ճիշտ են, ապա այստեղ մի շարք հետաքրքիր հարցեր են առաջանում:
Պարզ է, որ խոսքը գնում է Կարսի պայմանագրի վերահաստատման մասին: Սա Սևրից հետո միակ լեգիտիմ պայմանագիրն է: Ըստ իս, եթե մենք գնում ենք այդպիսի զիջման, որ վերահաստատում ենք Կարսի պայմանագրով սահմանված սահմանները, ապա պարտավոր ենք պահանջել համարժեք զիջում. այն է` ԼՂՀ փաստացի սահմանների ճանաչում և նույն Կարսի պայմանագրով սահմանաված Նախիջևանի կարգավիճակի վերահաստատում: Նման փաթեթը, չնայած այն բանի, որ ըստ էության նշանակում է հայկական տարածքների փոխանակում հայկական տարածքների հետ, բայց մյուս կողմից հանդիսանում է փաստացի գոյություն ունեցող իրավիճակի ֆիքսում: Դա այնքան էլ վատ չէ, համենայն դեպս շատ ավելի լավ է, քան տարածքներ հանձնելը: Կարող է թվալ, թե այդ քայլով, մենք մեկընդմիշտ հրաժավում ենք մեր հողերից. ռուսի ասած “фиг вам”: Ոչ մի բանից էլ չենք հրաժարվի ու մեր երեխաներին կդաստիարակենք համապատասխան ոգով, ու երբ ի վիճակի լինենք ամեն ինչ վերադարձնել, կթքենք բոլոր տեսակ պայմանագրերի վրա:
