Եհովականները պնդում են, թե իրենց կրոնական համոզմունքներն արգելում են զենք բռնելը (չնայած` համոզված եմ, որ տանը դանակ վերցնում են, բայց դե) ու դրա համար իրանք բանակ չպտի գնան։ Լավ, ենթադրենք, հարց չկա։ Է թող իրանք բանակում զենք չբռնեն, այլ ուղարկվեն ականազերծման աշխատանքներ անելու։ Ազատագրված տարածքներում էնքան ական ու բեկոր կա, որ Հայաստանի բոլոր եհովականները մի 15-20 տարի անընդհատ մաքրեն, էլի չի պրծնի։

Ու հլը ու թող մեկը ասի, թե ական վնասազերծելն իրա աստված նույնպես արգելումա։

Պիտակներ. спасти Родину без массовых расстрелов, հայկական բանակ, սովորեք հետս գյոռս չեմ տանելու

Արա, ինչ Ղարաբաղից հետ եմ եկել, հա զգում եմ, որ մի կարևոր բան մոռացել եմ։ Հիմա հիշեցի. Ղարաբաղում մարդիկ չեն ասում ադրբեջանցի, ասում են թուրք։ Վերջ։ Թե չէ ադրբեջանցին որսա՞։

Պիտակներ. Ադրբեջան, հայ-ադրբեջանական հակամարտություն, Հայաստան

Պիտակներ. Արցախ, Արցախ Ակբար, Հայաստան, ՀԷԿ, տնտեսություն

Տոներին Արցախում էի։ Ի՞նչ ասեմ, տպավորություննես շատ են ու հիմնականում` դրական։ Բացասականի մասին հենց սկզբից ասեմ ու առաջ գնամ. ինչ-որ մեկը ավել փողա ունեցել, Բերձոր մտնելուց ճանապարհի վրա մաքսատունա կառուցել։

Հիմա դրականը.

Առաջինը, որ Ստեփանակերտում աչքի է ընկնում ” մաքրությունն է։ Ընդհանրապես զգացվում է, որ քաղաքի բնակիչների մոտ կա սեփականության զգացում, որ էդ ամեն ինչը իրանցա ու սրտացավություն։

Ընդ որում այդ սեփականության զգացումը, որ սա մերնա, սա մենք ենք և այլն, նկատվումա ոչ միայն քաղաքը մաքուր պահելու հարցում, շատ-շատ այլ բաներում էլ։ Օրինակ` վերաբերմունքը ոստիկաններին (և հակառակը` ոստիկանների վերաբերմունքը քաղաքացիներին) ” նորից շատ հստակ զգացվում է, որ մարդիկ ոստիկանին վերաբերվում են որպես իրենցից մեկին, այլ ոչ թե ինչ-որ օտար տարրի, դասակարգային թշնամու կամ ռեպրեսիվ գործիքի։

Կամ մի այլ էպիզոդ. երթուղային տաքսիների ու ավտոբուսների վարորդները միշտ կանգնում են կանգառի ոչ թե մուտքի մոտ, այլ` ելքի մոտ, որ հետևից եկողներն էլ կարողանան կանգառ մտնել։ Мелочь, բայց այդ мелочь-ի բացակայությունը Երևանում ինքա՜ն նյարդային բջիջներա սպանում։

Ամենակարևորը, զորահանդեսը Ստեփանակերտում լրիվ այլ տպավորություն է թողնում։ Չեմ ասում, թե Երևանին վատն էր, չէ, շատ լավն էր, բայց Ստեփանակերտում կա մի յուրահատուկ մթնոլորտ։ Երբ ամբոխի մեջ կանգնած ես ու նայում ես, մեկ էլ կողքից մեկը երեխայինա ասումա. «այ-այ, հլա տես, ընտեղ երկրորդ շարքում քեռինա գնում», մի քիչ հետո մեկ ուրիշը. «այ էն տանկի մեջ պապանա», մի ուրիշ աղջիկ հա հարցնում էր, թե երբա ՊՎՕ-ն գնալու. պարզվեց հայրը թե քեռին էլ այնտեղ է։ Ասածս ինչա. մարդիկ դուրս էին եկել որ թե ուղղակի պառադ նայելու, այլ իրենց հարազատներին տեսնելու, որի եղբայրը, որի հայրը, որի ամուսինը։ Մեկը ընդհանրապես, երբ իրենց վաշտը հրապարակից դուրս եկավ, շարքից անջատվեց, մոտեցավ հանդիսատեսների առաջին շարքում կանգնած իր տղային ու հետը շարունակեց նայել զորահանդեսը։

Ու, որ այնտեղ մարդիկ ասում էին «մեր բանակը», հավատացեք, այդ արտահայտության մեջ լրիվ ուրիշ զգացմունքներ են դնում, քան օրինակ` երբ ես եմ ասում «մեր բանակը»։ Ու որ տենց շուրջդ բոլորը այդպիսի վերաբերմունք ու կապվածություն ունեն, դա մի յուրահատուկ մթնոլորտ է ստեղծում, որը ուրիշ որևէ տեղ երևի չկա էլ։

Այլ դրական տպավորություններից.

Ստեփանակերտը ու Շուշին մանկական քաղաքներ են։ Երեխաները շատ-շատ են ու նույնիսկ մեծ թվով հյուրերի առկայության դեպքում դա աչքի էր ընկնում։ Շուշին նաև վերականգնվում է, չնայած ես վախ ունեմ, որ կփչացնեն գյոզալական քաղաքը։

Ստեփանակերտի ճարտարապետությունը գրեթե չի փչացել, մեկ-երկու ստեկլյաշկա են, բայց ընդհանուր զգացվում է, որ ինչ-որ հատվածական չի կառուցապատված, այլ մի ընդհանուր, իրար հետ խոսող նախագծով։

Եղանք նաև Աղդամում։ Ուրեմն պաշտոնապես հայտարարում եմ, որ բոլոր խոսակցությունները, թե Աղդամում էլ քար չի մնացել, բացահայտ սուտ և զրպարտություն է։ Այնտեղ դեռ 1-2 կվարտալի քար կա։

Հա, քանի որ արցախյան սեպարատիզմի հարցը վերջին շրջանում շատ է մտահոգում ազգիս ազգայնականներին, այդ թվում և ձեր խոնարհ ծառային, մենք այնտեղ ում հետ զրույցի էինք բռնվում, զգուշությամբ այդ թեման շոշափում էինք։ Ուրախալի փաստ է, որ տեղացիների մեջ սեպարատիստների չհայտնաբերվեցին, բոլորը միացումական էին։ Միակ սեպարատիստը Ստեփանակերտից մեզ հետ բերող երևանցի տաքսիստն էր, ով, բնականաբար, Ռուսաստանում մեծ գործեր էր անում ու էս քանի օրն էլ էլի գնալուա Ռուսաստան։

Ընդհանուր առմամբ ՀՀ-ԼՂՀ թեմայի շուրջ ընկերոջս հետ ոչ շատ երկարատև քննարկումներից հետո եկանք այն միակ ճիշտ և անառարկելի եզրակացությանը, որ երկիրը երկիրա ու որ ոչ թե ԼՂՀ-ն պետքա միացնել ՀՀ-ին, այլ հակառակը` ՀՀ-ն միացնել ԼՂՀ-ին։ Բայց առանց Երևանի։ Երևանն առանձին։

Պիտակներ. Արցախ, Արցախ Ակբար, դրական, երկիրը երկիրա, զորահանդես, Հայաստան

Ախր այ ԼՂՀ ՊԲ մամուլի հաղորդագրություն գրող ջան, այ մեռնեմ ես քո սրտին, պոչկեքին ու մեկ էլ փայծախին, էդ որ ամեն օր գրում ես ադրբեջանցիք կրակել են 1467.8 փամփուշտ, էդ մի կերպ սկսեցինք մարսել, թեև տենց էլ չհասկացանք, թե խի՞ ես գրում։ Բայց լավ, էդ հլա ջայնամ, այ ցավդ տանեմ, իստիգլալը խի՞ ես շեշտում, իստիգլալի ռեկլամից մենք քյար ունե՞նք։

Պիտակներ. անկապ, Արցախ, բա սա երկիրա՞, Հայաստան

Զորահանդեսի փորձ Արցախում։

Պիտակներ. Արցախ, արցախյան ազատամարտ, զորահանդես, Հայաստան, Շուշիի ազատագրում

Ժամացույց էի ընտրում, սա տեսա, առա: Տեղական արտադրության է ու էժան էլ է, եղած-չեղած 5000 դրամ: Ըտենց: Սխալ քարտեզով էլ կար, բայց նե բուձեմ օ գռուստնըմ:

Պիտակներ. Արցախ, Հայաստան, քարտեզներ

Տեսագրությունը cut-ի տակ։

ԶԳՈՒՇԱՑՈՒՄ, տեսագրությունում թունդ հայհոյանքներ են լսվում ու նաև կարդացվում։

Կարդալ այս տարրի մնացած մասը »

Պիտակներ. Արման Մանուկյան, Արցախ, Խաչատուր Բաղդասարյան, հայ-ադրբեջանական հակամարտություն, Հայաստան, հայկական բանակ

Հրապարակվել են ադրբեջանական խփված անօդաչու ինքնաթիռի մի քանի լուսանկարներ.

Ըստ հաղորդագրության ինքնաթիռը ոչնչացրել են ռադիոէլեկտրոնային պայքարի ստորաբաժանումները.

Ղարաբաղա-ադրբեջանական հակամարտ զորքերի շփման գծում արձանագրվող հրադադարի ռեժիմի խախտմանը զուգահեռ վերջին շրջանում նկատելի ակտիվությամբ է գործում նաև հակառակորդի օդուժը, որն իրականացնում է ինչպես մարտաուսումնական, այնպես էլ հետախուզական բնույթի թռիչքներ:

Ըստ Պաշտպանության բանակի օպերատիվ տվյալների վերջին օրերի ընթացքում հակառակորդի անօդաչու ինքնաթիռները բավականին մեծ հաճախականությամբ հետախուզական թռիչքներ են կատարում սահմանային գոտու ողջ երկարությամբ, իսկ որոշ դեպքերում էլ խախտում Արցախի օդային սահմանը: Պաշտպանության բանակի հակաօդայինների կողմից նման բնույթի թռիչքներ են հավաստանշվել վերջին տասնօրյակում և դրանց կանխարգելման նպատակով իրականացվել համարժեք քայլեր: Մասնավորապես սեպտեմբերի 12-ին ժամը 7.30-ի սահմանում ՊԲ ՀՕՊ և ռադիոէլեկտրոնային պայքարի ստորաբաժանումների կողմից ձեռնարկված հատուկ միջոցառումների արդյունքում Մարտունու շրջանի Վազգենաշեն գյուղի մերձակայքում շարքից հանվել է ադրբեջանական զինուժի մեկ անօդաչու թռչող սարք: Խփված ինքնաթիռի մասերը գտնվում են ՊԲ համապատասխան ծառայությունների տրամադրության տակ: Դեպքի մանրամասները ուսումնասիրելու համար ստեղծվել է հանձնաժողով, տարվում է քննություն:

Աղբյուրը։

Պիտակներ. Արցախ, հայ-ադրբեջանական հակամարտություն, Հայաստան, հայկական բանակ